敵視o靚模比反智更反智

林震宇:「擁護o靚模是民間反智活動，敵視o靚模更加是

比反智更反智的活動。」

突然個個家婆上身：「下流、整容、裝假狗、不知廉恥、好cheap」
岩，如果唔係o靚模價錢夠cheap，
各大商場、潮牌點會唔轉用周秀娜、KAMA，而飛起周汶淇、楊崢。
這是劣幣驅逐良幣的經濟學現象。

壹仔定律，大家一面口誅筆伐，一面掏鈔票買o靚模封面的雜誌、趕睇《美女廚房》；
就算唔買，都要吹得兩咀，一陣同班朋友傾起，
唔攞黎笑下踩下，因住比人話out精啊！
信唔信今年被譽為最醜一屆港姐的收視比上年仲高！！因為有noise嘛。
生意人要捉到潮流，搶下media coverage，
大收宣傳之效喎，it is economic,stupid

o靚模都是一份工，佢地賣肉賣青春賣天真，都是佢地有的本錢。
老掉牙叫笑貧不笑娼，何況她們都只是一班十多廿歲的女孩，
今期紅透，下期已無蹤。
仲計較佢地思想幼稚，要內外兼具，美貌又智慧，難矣。
非黑即白的社會，唯有講句，多些包容啦香港人。



雙重標準，同情o靚模又「不要好戲量」
一頭雄性生物的觀點