33屆電影節之十 《從印度到中國》

電影節睇得太多紀錄片，灰沉沉的電影，又或者去得科學館

太空館密得滯，去文化中心「觀賞」一部寶萊嵨的大製作，開心之餘又可以感受電影節幾百人坐係hall，每年最少一次黎Cheer UP下。

《從印度到中國》當然冇《Om Shanti Om》咁正啦，但係Deepika Padukone仍然豔光四射，戲裡一人分演兩角，fan如我當然拍手叫好。兩小時武打、搞笑、歌舞滿載而歸，比寶萊嵨真人版《功夫熊貓》更好玩。

華納兄弟的作品，目標當然對準歐美市場，所以無論片中描述的印度中國都很「東方主義」，一言蔽之就是落後，劉家輝身上那兩粒「大佬」形狀的紐扣，真出位!