八月念念碎

• 龍格堡轉會西咸聯，並非小弟無情唔講，而是「天要下雨娘要嫁人」，火雲邪神CK只係阿仙奴球迷的集體回憶。
• HKIFF Summer睇左《大日本人》同《加洲夢》，《大日本人》係今年必睇的笑片，如果你自認無聊，呢套騎呢野一定合心水。
• 呂大樂的《四代香港人》，完全將香港人分晒類，你老細，你阿媽，你阿哥，你自己，唔睇唔知原來我地咁冇性格都係有社會的錯。
• 兩星期港股天堂與地獄，一班券商同財經演員表演馬後炮與失憶症，次按問題仲未解決，美洲金融風暴，中資股被過份追捧。眾人睇好時我仲驚，減持二三線，現金是皇帝(Cash Is King)
• 企圖將家裡的Tee轉晒Uniqlo一個牌子，阿媽話我有病，但睇番理財軟件，每月買衫真係佔總收入10%。
• 第三季又係消費既時候，個人購買慾望極盛，iphone，powerbook，D300，其實最想買仲有一手HSBC。