幾則

1.十公里個人時間55'19"，不太滿意。今年希望多參加公開賽，為來年半馬準備。先放肆埋本周，下星期復操。

2.財政預算案按LIVE，三位早更同事一同提早返公司準備，證明大家同心目標一致！大事必成！結果導演組LIVE很順暢，我只仍犯一個小錯，但這種ko的滿足感，只有在腎上腺素爆升之後，胃痛不斷之後出現(PS. touchwood，唔好成日有，間中一兩次ok)

3.堅持錯一定要早犯，咁個人先會大

4.電影節+奧斯卡

5.三月份要去工聯會報韓文了

渣打最後一課

第二年10k，唔係跑得特別快

自己同阿sir既小心得，

都想同各位同好分享下

1.比賽前四五日要調節睡覺時間，例如10K挑戰組要五點三開跑，三點要起身，所以最遲晚上九點要訓

2.跑鞋鞋帶綁前緊後鬆

3.著薄襪，因為厚襪好易磨到起水泡

4.著件便利雨衣或者唔要既舊衫出發上起跑點，保住溫先，熱就掉左佢

5.認真做最少三十分鐘熱身

6.凍就躲係人群之中避風

7.怕凍要戴手襪，因為手指凍會動唔到chok手動作，即係跑唔起

8.跑前一個半鐘內不能進食，之前早餐可以食麵包

9.少肉少油，纖維、蛋白質、碳水化合物

10.跑前一星期，每餐只食七成飽，咁比賽可以減磅5%，輕裝上陣跑快兩步

11.十公里其實唔食去水站飲水，其一吞唔落，其二排隊阻晒時間

大獲!得番半成

溫度14°C 相對濕度75%

清勁偏東風

病後首課，係短課三十分鐘

頭十分鐘，心諗死勒，得番三成，氣喘拿，大獲

之後十分鐘，又上番，加減應該得半成

跑前拉筋，D筋硬到呢

得番一星期，最後一課星期二

唉......

兔年第一次念念碎

1.「苦」年病到兔年，唔見銀包唔緊要，補領麻煩唔緊要，要慘係唔跑得，個人冇晒鬥志

2.病完先發覺，健康訓得真係好寶貴

3.好在新年返工逗利是，嘻嘻哈哈地同好同事們一齊開工，先開心返

4.打呢篇野，因為阿記on9無極限，比喜鵲下半場連入4球追平，痛失2分，依家嬲到訓唔著

4.1 曼聯竟然輸比榜尾狼隊，突然安心訓教，哈哈

5.3月台灣行，好似要plan了，同志們

6.如果搵唔返張回鄉證，決定自罰3年唔返大陸

周六念念碎

1. 8.9度，強烈北風吹得手耳彊硬，一呼一吸氣管都是刺骨的空氣，心中莫名其妙的怒火，總得跑一下。

2《讓子彈飛》就是他X的痛快！反覆咀嚼影片豐富的潛台詞也是過隱極。

3.考慮買人仔抗通脹

4.阿當夫婦就咁就完左，唉

running track : 男兒當入樽 OP & ED

周二念念碎

1.第一次跟同事由葵涌運動場跑入麗城，好有趣好興奮，不過途經墳場、葵殮，心裡有點毛毛的，但冇跑圈咁大風同咁悶。

2.講開凍，覺得天氣冷咪著多兩件衫，沖個熱水涼、或者早D訓啦，開口埋口冷冷冷，男人大丈夫，明係博人留句take care加衫，超錯。難怪報紙話港男質素下降：早一代咬緊牙關游海水落黎架，生存落黎都係精英，現代就FB撒嬌認真嘔心，唔好講抗逆力，抗冷力都等於零。

3.接2，所以又講少年時代的座右銘是「三人行必有我師」，最近想加句「律己以嚴、待人以寬」，年來EQ也變得不太好。

4.律己以嚴是，大事回顧放上Youtube後，看了一遍又一遍，小新給75分也是人情分，自問只有65-70。節奏剪得太急，沒有以觀眾的心情去做，大家唔明的，如何十年後有回憶呢。堅係達到這水平的，只有part 1同政改，我預備做得唔好。另外我排次序都有問題，誠如聰說，電視風雲應該接科技排尾二，中間接醫改同打工仔悲歌即時冇晒mood。如果下年再做，希望係控制時間同內容規劃可以同編輯再夾好些。

5.大學睇完梁望峰先睇番《挪威的森林》，覺得堅係中正男人心理，陳英雄拍完《三輪車伕》之後其實冇套掂，今次拍《挪》不寄厚望，村上的看試片後驚訝係：「我寫係男人的故事，點知變左四個女人的故事」。決定用iPad重看一次，很多情節也忘記了,但回味。

6.最後分享一段蔡康永的微博

「上段戀情,全心投入,結果重傷.於是這次戀愛怕受傷,就很保留。這意味著:上次那個傷你的爛人,得到最完整的你,而這次這個發展中的情人,得到個很冷淡的你。我知你是保護自己,但這若是做生意,你這店一定倒的。永不再來的惡客,得到最好服務,而新客上門,卻備受冷落,這店怎麼不倒?【康永,給未知戀人的愛情短信】」

今時今日咁既服務態度係唔得架

0030跑

10度，濕度67%，寒冷天氣警告

討厭返C不能練跑，明明上年可以一星期跑五日

渣打只剩一個多月，再不可以欺騙自己

收工回家換衫，凌晨迎著冷風跑，大路上只有影子追逐

一邊一邊擺脫逃逸躲懶的性格，只有長跑，只有迎難以上。

Mizuno legging+短褲/Nike Pro+ Mizuno 長袖跑衫

running track：林俊傑 - 她說、愛笑的眼睛、記得

2011首個念念碎

1. 如何好好地on duty，諗左兩日，鬱悶

2.小明下集youtube破5萬8，爬左曹格頭成為channel no.1；2011年開始會tag埋記者名，希望谷起埋其他故仔

3.11年，下定決心學打鼓，傑仔老師，麻煩你，仲有學韓文

4.3月會去台灣睇莫奈畫展，年底希望去到東京

5.想換個銀包，有冇好提議？

6.放工番屋企，冷到只想訓覺

2010最後的念念碎

1.2010完結前，用花紅買了一隻山度士給自己，前一晚用了3個小時在討論區刨文，得到第一隻瑞士芯的機械表，興奮得難以形容。

2.又完成一年大事回顧，今年是十分十分想超越上年的，但稿件內容及美術設計以及音樂曾經有很大的變動，令自己相當不安，壓力大得發了幾日惡夢。今年通霄日數也是前所未有地多，但小組成員一哥、秋、聰、K、笙、盈盈，共同努力，我大部分時間都不算帶領得好，但大家都「給力」做好節目。一齊趕工成功出街的滿足感真是很甜美。

3.HP7上集兩大看點：Emma Watson靚到癲，佢著冷衫靚到；榮恩和妙麗的愛情線好睇過哈仔玩自閉。

4.Tron Legacy 極失望，3D唔知睇甚麼，結構很鬆散，一心以為個世界觀會宏大D，還是《電子世界爭霸戰》經典。

5.大事回顧後，2011年還有更大挑戰。

6.攝影又停頓了，苦悶。

2010年我最愛的電影十大

1. 告白，太喜歡原著小說，電影也恰到好處地拍出原髓

2. 志明與春嬌，彭導認認真真拍愛情片，寫實又幽默

3. Shutter Island，大師級水準，到處都是張力，Di Caprio影帝演出

4. The Social Network，與風雲人物是雞與雞蛋的先後問題，本年必睇

5. Inception，對夢境最創新的譂述，Christopher Nolan五星作品

6. Kick-Ass，暴力的超快感，Hit Girl 驚為天人

7. 上訪(HKIFF)，中國現實相

8. Toy Story 3，成人的童話完結篇

9. 宅配男金色搖籃曲(HKIFF)，緊張刺激的日式奇情片

10. Cold Fish(HKAFF)，園子溫再賣血腥，這次是真人真事改編

愛．痛2010大事回顧曲目

見大家有興趣想知，又可以當寫music cue sheet

港聞篇:

my little airport - 悲傷的採購

my little airport - 瓜分林瑞麟三十萬薪金

黎明 - 心亂如麻

側田 - 頭條新聞

容祖兒 - 男人最痛

容祖兒 - 黑夜不再來

楊千嬅 - 命硬

張學友 - 傷追人

鄭秀文 - 給自己的信

劉德華 - 信自己

國際篇:

十月 - 富士康下(粵語原曲富士山下）

方大同 - 紅豆

王祖藍 - 浮誇

群星 - 手連心

梁詠琪 - 花火

陳奕迅 - What A Wonderful World

幾則

1.呢幾日天氣跑步超級爽！涼風陣陣，今日做2分鐘鬆d做左15圈，步姿又突然門明白左，大大改善肌肉負荷，50分鐘目標形勢大好！

2.做左iPhone4終極慳電測試，係彩虹站得番2%電量，跟手熄晒3G Edge，齋播歌，竟然可以捱到番屋企仲有1%，個度都成25分鐘架，iP4真係巧威威啊！（註：Sub台iPhone用戶已經達75%，Cherry同一姐都有勒，而剪片組相信月內可達100%，請其他組別同事繼續努力吸毒！）

3.最近好興摺高褲腳，十條仔有七個都摺，唔知點解點睇都好唔順眼，尤其是牛仔褲。可能我都試過，但摺完好似賣魚佬咁，所以人地咁著就知好唔知點咁，簡直同飛輪海頭咁一樣全方位7！

4.Miss A 之後2PM 之後 2AM，JYP係咪好唔掂，洗唔洗咁密

5.經事實証明，係阿鄭大師VO既突發先可以破萬Views，求原因！

放假念念碎 10.15

1.有時買野送比人，仲開心過買野比自己

2.又諗住買件chocolate X 小肥肥一族，點知史歷奇tee得女裝！Sign

3.智利礦工全部逃出生天，智利總統皮涅拉贏晒。

皮涅拉由始至終守在現場為工人打氣指揮救援，雖然最終勁擁抱慶祝有做大show的成份，但他支持率都已經飊升到70%以上。佢本身已經係億萬富翁，擁有智利電視台，智利航空及足球隊科拉科拉，簡直係智利版超人。年初智利大地震發生時，皮涅拉尚未正式就任智利總統，不過佢係災後迅速組織救援，又係twitter發布災情，吸引全球救援，赢晒信任和支持。就算佢係智利影帝，他都叫成功救到人嘛，抵唔抵得先。如果拍電影，真人做番都OK

4.iPhone4 JB後，我覺得依家部機勁到好似工程機咁

5.好怕睇牙醫，唯有努力刷好D牙

6.Yahoo!視像新聞好多人睇，同事既士氣都一齊提升到very good

7.Yearender前期啟動

放假念念碎 10.05

1.秋天來了，購物慾消失殆盡，反而食慾大增，很想很想很想很想打邊爐，食涮羊肉，或者食韓燒，牛啊

五花肉啊

2.又在想念北投同白濱的溫泉，尤其在跑步之後，旅行的愿望.......面向太平洋的溫泉浴場

3.葵涌運動場10K達成，Hea跑下，都係一個鐘，渣打前要加操了

4.HP7 11月上，之前要快d睇晒小說，今晚一於聽住jazz睇

5.看了《唐山大地震》，陳道明的型像，令我不禁想起去世的公公，「沒了，才知道甚麼是沒了」

6.HKAFF on9地買左撞時間的飛，有冇人有興趣睇《杜Sir有種》@30/10 4:00PM BC 同埋《曼谷你好》@5/11 7:45PM IFC，朋友價六折出讓！！

HKAFF 7th

29/10 死魚,園子溫,必睇!!!!

30/10 杜sir有種,買錯左,唔記得要上堂,有冇人要? 4:00PM BC

30/10 暴列刑警,寶萊塢

2/11 目送1949-龍應台的探索

5/11 曼谷你好

7/11 杜sir有種

放假念念碎 09.07

1.跟公司教練跑已經第三課，改善左步法同擺手，明顯舒服左，大滿足

2.每日check住apple store order status，已經成為強迫症

3.一口氣追番3個月的《我結》，好感度都係阿當＞維尼＞紅薯

4.物慾突然飊升，Instax Mini 50S，Zens Umbrella，AC Milan印Inzaghi，但強制每月只能一件！

5.緊接上者，所以寄望1137爆升上6蚊，唔該王生

6.收到中壽2009年股息，月供股票終於見到成果，繼續繼續！

我又幾句

1.iPhone 4忍手唔買住(好難的)，一連買兩部 i 野好奢侈姐，到11月peoples完約先

2.放假走去追蹤《志明與春嬌》場景，好鍾意一個人四圍搵check point既專題攝影

3.去藝術館免費入場睇吳冠中，大師的創作思想－風箏不斷線，給我一記提壺貫頂

4.拉傷肌肉小休一個月，今日開始忍不住輕度跑步練習，因為肚皮的贅肉又回來

5.Summer IFF只買了深山有間笠酒店

6.我好想行山！！！！

7.Vettel今年，我只能講，希望越大，失望越大

8.巴塞幾時出架，我要買些路迪寄誠庸

9.有人辭官歸故里，有人漏夜趕科

keep running

半個月的世界杯，日夜癲倒又狂啪零食，漸漸就長出肉來。終於在A更日，忍無可忍，落街jogging廿分鐘。

右腳肌肉拉傷還是微微作痛，但乘著清風，也是愈跑愈快，把身上的冷氣、懶氣驅散。

早陣心情反覆，終於爆發了，令同事麻煩，很不好意思；其實自己只是耍性子撒嬌吧，完全討厭這樣的自己，應該可以表現更成熟吧。再是出席魏永征教授的榮休晚宴，登時發現已身為前代師兄，總不能再孩子氣吧，是否可以重拾以前以「硬食」為傲的優點?

跑啊跑，一口氣，未必能將凌亂的思緒梳理，但廿分鐘的空白，痛快！

經一時長一智，專注做事，以待天時。

running BGM : 8eight - 이별이 온다

補選的自我解讀

3百萬選民，得1成7，59萬出黎投票支持普選同廢除共功能組別。

即係2百幾萬人無投票，都希望政制向前走。

即係03年除左右遊行的50萬人之外,全港有600萬人都支持董建華。

強行將社會兩極是愚蠢的行為，追求民主是個普世價值，

我相信不投票的選民也認同的，

就是因為這是一個民主社會，你有權不投票。

對於這次低落的投票率，我感到失望。

但民主之路從來是之字型,不會一帆風順。

59萬人的新民主運動，將會記入史冊，

尚且可喜的是年輕人的投票率大幅上升，

正是老毛說:「世界是你們的，也是我們的，但是歸根結底是你們的」

因為這新民主運動才剛剛開始。

相信自由之花還是會開的。

這是我的解讀。

北京或許不會「還政於民」，零七零八年或許不會有普選;特區政府或許仍舊短視而無能，商人或許仍舊強勢治港，但是香港的民閒社會會發生不可回頭的質變:它一向彼此疏離的「分眾」小團體透過持續的抗爭或協商， 會逐漸地認識彼此，摸索出一套對話、相爭、互動的模式，公民社會於焉而生。

《請用文明來說服我》- 龍應台

周二念念碎

1.踢波仍舊是屎，仲要冇埋氣，真係要跑密d,起碼可以迫到下人啊

2.見到政改廣告真係嘔心，我寧願原地踏步，都好過立法會選舉人大化，係啊國內人大縣鄉以下係直選係架，以上變左間選。如果跟隨呢個翻叮方案，既消滅唔到功能組別，最後仲會變成普選區議會，再由區議會議員間選立法會議員既變相隔一層，仲會更貪污舞弊黑箱作業，結果同人大合併，搞掂！

3.開始睇緊中央台新三國，一黎飛晒黃巾十常侍，變左曹操刺殺董卓開始，睇黎直係想一改演義尊劉貶曹喎，但都唔洗頭幾集拍到曹操傳咁掛。董卓醒目到以為睇緊火鳳，另外呂奉先係何潤東，感覺很怪異，同埋新版都幾血腥下，曹操殺呂伯奢一家好似睇緊b級片咁，灑狗血。但點都好三國迷一定要睇。

4.當影完既菲林儲到10筒就可以晒勒，現在是8筒

5.微博真係有趣過推特好多，尤其d無聊野，明星野，新野傳得快。推特就嚴肅好多，同埋有一半既tweet都係黎自艾未未(笑)。

6.Arsenal 近5場4負1和，睇親都嬲到震！今季已經輸左9場，仲弱過上年排第4既成績。

7.請停止不斷轉載狂派核武級肥妹自拍相，謝謝！